前晚喺WhatsApp group入面，醫生朋友話今次疫情爆得好勁，好擔心醫院負荷唔到，叫大家儘量少啲出街。
我係一個典型香港人，有少少神經質妄想症狀。喺地鐵有男人企埋啲佢就係想搏懵 #呀媽教落，搭的士唔找一蚊就覺得佢係貪得無厭嘅騙徒 #平時跌咗一蚊都懶得執。而當疫情偏偏喺初選，721之前先來個超級大爆發，令我病情復發，有係咪某啲單位想借勢叫大家留喺屋企嘅懸念，無事就唔好周圍走。
當然我唔係話啲確診數字係假，亦唔係鼓勵大家”信正苦，唔驚！”，繼續去海灘去稻香派對 #其實好想去donki，每個人都有自己嘅自由意志有自己嘅選擇，唔需要刻意批評其他人。當然自己為自己負責任之餘，可以為身邊嘅人設想就更好。2020年嘅下半年外在環境仍然感覺不順，最緊要都係自己心理調節，凡事唔好太認真，多啲自嘲多啲活在當下，你會過得開心啲。#廢腑之鹽
喺屋企無乜做可以幫襯下我IG
Instagram.com/missyboni
#今日最少一百宗
#女人像鹽
Search